Korabi tashmë është zyrtarisht i rënë nga Kategoria. Sezonin e ardhshëm skuadra dibrane do të luajë në Kategorinë e Parë.
Megjithatë ekipi i drejtuar nga Ermal Nexhipi ka premtuar se do ta respektojë kampionatin deri në fund. Sot, dibranët kanë zhvilluar seancën e radhës stërvitore në kuadër të përgatitjeve për Teutën. Por, pas stërvitjes në kampin e Korabit ka pasur vend për pak atmosferë pozitive, pasi mbrojtësi i djathtë Veton Shabani ka festuar ditëlindjen e tij.
Drejtuesit e skuadrës e kanë surprizuar 27-vjeçarin me një tortë që mban numrin e fanelës së tij dhe stemën e ekipit dibran.