Korabi do të luajë kundër Tiranës në kuadër të javës së 24-të të Superiores. Për këtë takim ende nuk është vendosur stadiumi ku do të luhet, pasi dibranët shpresojnë t’i hapet drita jeshile nga Komisioni i Licencimeve në FSHF. Pas punimeve intensive, shtëpia e Korabit tashmë është gati.
Përmes disa fotove të siguruara nga newsport.al shihet që edhe tapeti i këtij impianti është drejt përmirësimit. Të gjithë mbajnë frymën dhe tifozëria dibrane dëshiron që bardheblutë t’i presin në Peshkopi. Dita e ndeshjes mes Korabit dhe Tiranës është të shtunën, por orari dhe stadiumi nuk janë përcaktuar ende.