Shqipëria mori dje një fitore të rëndësishme ndaj Izraelit. Kuqezinjtë iu falën heroizmit të Thomas Strakoshës dhe “predhës” të Taulant Xhakës. Mesfushori i Baselit i dha 3 pikët e para skuadrës së Christian Panuçit. Të shumtë kanë qenë ata që e kanë përgëzuar 27-vjeçarin, por urimin më të veçantë e ka dhënë vëllai i tij. Mesfushori i Zvicrës dhe Arsenalit Granit Xhaka me anë të postimi në llogarinë e tij në “Instagram” krenohet me vëllain e tij Taulantin.
“Vëllai im, fituesi i ndeshjes! Krenar me ty vëlla!”
Graniti i kthen në këtë mënyrë nderin futbollistit të Baselit, i cili dy muaj më parë festoi golin e futbollistit të Arsenalit në ndeshjen ndaj Serbisë në Kupën e Botës.
Kuqezinjtë nisen drejt Skocisë për t’u përballur pas 3 ditësh me ekipin vendas.
