Prej ditës së djeshme, 65 kontrollorë të Aeroportit "Nënë Tereza" bojkotuan punën në shenjë proteste për mos plotësimin e kushteve nga ana e qeverisë për shkak të pandemisë. Reagimet kanë qenë të shumta në media, ku nuk mungonin ata që mbështesnin grevistët, por kishte edhe të tjerë që i kritikonin për kaosin e shkaktuar.
Erion Braçe në rrjetet sociale ishte kundër protestës së grevistëve duke i "thumbuar" ashpër në kanalin e tij zyrtar në facebook. Pikërisht aty ku zëvendës kryeministri jepte mendimin e tij për kaosin e shkaktuar ku u detyruan të pezulloheshin të gjitha fluturimet, ka ironizuar një nga gjyqtarët e rinj të Federatës Shqiptare të Futbollit. Xhulio Mani, anësori që gjykon në ligat inferiore shkruan: "O Braçe, o bibi*ush. Këto flasin për avionë prej vërteti, jo nga ato që luan ti te shpia".
Lexo gjithashtu
