Ndeshja e vlefshme për Grupin B në Kategorinë e Dytë, Përmeti-Delvina nuk u zhvillua ditën e djeshme, me prentendimin e skuadrës mike se kushtet e stadiumit ku do të zhvillohej takimi nuk ishin të përshtatshme.
Sipas klubit përmetar që doli dhe me një reagim në faqen zyrtare në Facebook, ekipit të Delvinës iu ishin ofruar kushte të improvizuara në stadium ose zgjidhja tjetër ishte që futbollistët dhe stafi mik të akomodoheshin në hotelin pranë stadiumit. Kjo për shkak se në stadiumin e Përmetit janë duke u kryer punime për të rikonstruktuar ambientet e brendshme të impiantit sportiv dhe dushet e dhomat e zhveshjes për momentin nuk janë funksionale.
Drejtuesit e klubit të Përmetit kanë reaguar edhe në redaksinë e newsport.al duke dërguar foto nga ambientet e ofruara për ekipin e Delvinës para ndeshjes së djeshme.
Siç shihet edhe nga fotot që janë dërguar në redaksinë e newsport.al nga drejtuesit e klubit të Përmetit, dushet dhe dhomat e zhveshjes që u ofruan dje për ekipin e Delvinës janë në gjendje optimale, por ekipi mik nuk pranoi të akomodohej duke i konsideruar sërish si jo të përshtatshme dhe me këtë pretendim, skuadra e Delvinës nuk pranoi të dilte dje në fushën e lojës.
Lexo gjithashtu
