Mbrëmjen e djeshme Tueta dhe Kamza mbyllën ndeshjen e javës së tretë, që u mbyll 1-0 për vendasit, duke marrë fitoren e parë në këtë kampionat, pas dy barazimeve, respektivisht ndaj Flamurtarit në shtëpi dhe Tiranës në transfertë.
Megjithatë, mëngjesi i sotëm për portierin e durrsakëve, Isli Hidi, ka qenë shumë i veçantë, pasi ka ardhur në jetë vajza e tij, Mei. Ka qenë vetë Hidi, i cili në një postim në rrjetet sociale, ndan me miqtë e tij këtë gëzim shumë të madh.
“Mirë se erdhe në këtë jetë princesha jonë Mei, të duam shumë dhe të urojmë jetë të gjatë e plot shëndet!! Mami Erisa Bardhi Hidi, motra jote Eisi dhe babi Isli”!