Shqipëria ka mundur të sigurojë një fitore të pastër 1-0 ndaj Izraelit duke marrë në këtë mënyrë 3 pikë nga kjo sfidë. Kuqezinjtë kanë zhvilluar një lojë të mirë duke marrë me meritë fitoren ndaj miqve.
Në stadiumin “Elbasan Arena” ka patur disa të ftuar special. Bëhet fjalë për presidentin e vendit, Ilir Meta dhe ish-trajnerin e Kombëtares, Gianni de Biasi. Në një foto të siguruar ekskluzivisht nga Newsport.al, shihet Meta dhe De Biasi duke bërë simbolin kombëtar, shqiponjën dykrenare. Si duket, italiani nuk e ka harruar ende Shqipërinë madje ai i bashkohet presidentit Meta duke bërë këtë simbol të veçantë.