Java e tretë e Superiores është mbyllur me rezultate surprizë, ku vihet re “ngecja” e Skënderbeut në shtëpi ndaj Laçit, me kurbinasit që edhe një herë tjetër tregojnë se janë një kundërshtar i fortë për të gjithë. Më tej, Flamurtari bëri detyrën ndaj Luftëtarit, duke u bashkuar me 7 pikë, po aq sa korçarët në krye të tabelës.
Partizani fitoi me rezultat të ngushtë 1-0 në “Selman Stermasi” ndaj Kastriotit, ndërsa Teuta fitoi në shtëpi ndaj Kamzës 1-0.
Kryendeshja e kësaj jave ishte padyshim Kukësi – Tirana. Deri përpara sfidës, të dyja ekipet kishin nga një pikë, por verilindorët nën drejtimin e Armando Cungut zgjidhën një ndeshje që ishte më e lehtë nga sa mund të mendohej.
Reginaldo shënoi një tripletë, duke u shfaqur kështu në një super formë. Nisur nga kjo panoramë e ndeshjeve, Newsport.al sjell formacionin dhe trajnerin më të mirë të javës, duke u bazuar te performanca individuale e lojtarëve në fushën e blertë. Si trajner padyshim që Armando Cungu meriton diçka më shumë se të gjithë, sepse arriti të merrte një fitore shumë të rëndësishme, duke nxjerrë nga një “minikrizë” ekipin e tij.
Portier: Isli Hidi
Mbrojtës: Shameti, Osmani, Zguro, Siljanovski
Mesfushor: Mala, Asani, Batha
Sulmues: Uzuni, Bushiç, Reginaldo
Trajneri i javës: Armando Cungu
Loading ...
