Flamurtari i Gugash Maganit ka barazuar sot në miqësoren kundër Nk Bravo me rezultatin 2-2. Në këtë test stafi teknik i kuqezinjve ka ideuar dhe formacionin, i cili ka qenë me skemën 4-3-3, ku Flamurtari është treguar agresiv.
Shihet në formacion dhe i sapoardhuri Lukiç, i cili sezonin e shkuar ishte pjesë e Teutës. Sa i përket sulmit, Magani i ka besuar të riut Dushku, i cili ka marrë një vend në formacion, po ashtu edhe Onils Idrizaj, i cili më parë ka luajtur me Sopotin në Kategorinë e Parë. Ndeshja përfundoi me rezultatin 2-2, ku golat për vlonjatët u shënuan nga Radoviç dhe Hyseni.
Flamurtari – NK Bravo 2-2
Shënues: Radoviç, Hyseni
Formacioni: Halili, Lukiç, Berisha, Veliu, Rnic, Kuqi, Telushi, Shkodra, Radoviç, Idrizaj, Dushku. U aktivizuan: Bejte, Marku, Hoxha, Beqaj, Lucas, Zeqiri, Peqini, Gjinaj. Trajner: Gugash Magani