Akademia e Tiranës do të nisë zyrtarisht nga puna për sezonin e ri 2021-2022. Klubi bardheblu bën me dije që në datën 18 gusht kryeqytetasit do të zbresin në fushë për përgatitjet e edicionit të ri. Në kanalin zyrtar të 25-herë kampionëve të Shqipërisë, shkruhej:
"Akademia e Futbollit Tirana do të nisë zyrtarisht sezonin e ri 2021/2022 në datë 18 Gusht.
Shkolla e bardhebluve ka filluar tashmë përgatitjet për të pritur të rinjtë e të gjitha moshave. Një kamp me infrastrukturë moderne ku tashmë do të vihen në dispozicion 3 fusha të reja për të lehtësuar seancat stërvitore.
Ditët në vazhdim do të bejnë të ditur edhe emrat e trajnerëve nga U-7 deri tek U-21 ku do të ketë emra të lakuar të botës së sportit dhe Superiores.
Kjo akademi, më e madhja në llojin e saj në vend prodhon cdo vit talente të spikatur. Vetëm këtë sezon ekipi i parë ka në organikën e saj plot 6 lojtarë të cilët janë prodhim i Akademisë së Futbollit Tirana, gjë që vërteton se është trampolina më e mirë drejt suksesit.
Ju mirëpresim në datën 18 Gusht në kompleksin stërvitor "Skënder Halili".
Akademia e Futbollit Tirana- Me hapa Kampionësh!"
Lexo gjithashtu
