Dy ditë më parë, arbitri Andi Koçi i cili sapo mori stemën e FIFA-as, bëri një gafë në takimin Pogradeci – Apolonia. Ai ndëshkoi në pjesën e parë Mehmetin e Apolonisë me karton të verdhë dhe më pas po këtë lojtar kur do të dilte nga fusha për t’u zëvendësuar e ndëshkoi sërish me të verdhë për shkak të vonesës. Por, çuditërisht nuk i nxori kartonin e kuq!
Lojtari u zëvendësua normalisht, në një kohë që Mehmeti duhej të kishte lënë lojën si i dënuar dhe fierakët të bënin zëvendësim tjetër dhe Apolonia të luante me 10 lojtarë minutat e mbetura.
Kur pritej që ndaj gjyqtarit Koçi të merrej masë nga ana e Federatës, ky i fundit jo vetëm që nuk është penalizuar, por u caktua të gjykojë një takim të Superiores, bëhet fjalë për ndeshjen Flamurtari – Partizani.
Si duket, ky gabimi i gjyqtarit që sapo ka marrë stemën e FIFA-as është kaluar pa asnjë problem nga FSHF-ja, duke i lënë gjërat të ndjekin normalitetin, sikur asgjë të mos kishte ndodhur.
Loading ...
Leave a Reply
You must be logged in to post a comment.