Reagimet e “Ultrasve” të Dardanëve kundër Granit Xhakës, ndeshjen e djeshme kanë bërë një bujë të mëdha mediatike. Nga biseda e tensionuar me kryetifozin e ekipit të Kosovës, e deri tek deklaratat e vetë futbollistit, i cili pranonte se nuk është ndjerë mirë gjatë ndeshjes.
Për detajet që shoqëruan sfidën ka reaguar edhe ish-futbollisti, Sokol Kushta. Në një postim në rrjetin social "Facebook", Kushta ka vlerësuar familjen nga e cila vjen, Granit Xhaka por ka kritikuar dhe sjelljen e tifozëve. Sipas tij futbollisti duhet të merret shembull për kontributin e tij, duke pranuar kështu se është në krah të tij por dhe të çdo personaliteti që e mbështet 33-vjeçarin.
“Doja sot të uroja për kualifikimin e Kosovës që bashkë me Shqipërinë bënë një hap shumë cilësor në futbollin botëror, por u zhgënjeva mbrëmë dhe futbolli më kaloi në plan të dytë. Xhaka si familje është një shembull që duhet ndjekur nga të gjithë shqiptarët kudo në botë dhe jot ë ofendohet në atë mënyrë si mbrëmë. Shikoj një reagim pozitiv nga shumë personalitete si në Kosovë dhe Shqipëri dhe unë i mbështes ata”, ka shkruar Sokol Kushta.
Lexo gjithashtu
