Myrto Uzuni ka qenë një nga lojtarët më të përfolur gjatë 3 muajve të fundit. Sulmuesi nga Berati u la jashtë Europianit nga trajneri Sylvinho, dhe kjo bëri që rrjeti të “vërshonte”, me disa që ishin pro dhe të tjerë kundër.
Megjithatë, kjo histori është lënë pas dhe Myrto Uzuni duket më gati se kurrë për sezonin e ri. Bomberi është kthyer në imazhin e Granadas. Klubi spanjoll ka publikuar së fundmi një video prezantuese për sezonin e ri. Video nis pikërisht me Myrto Uzunin, duke bërë 29-vjeçarin kryesorin e ekipit.
Kjo video u “pushtua” nga shqiptarët, ku nuk ka munguar edhe suporti i TikTok-erit të famshëm në Shqipëri, Kozak Braçit. Kozaku ka shpërndarë videon e Granadas në “InstaStory”, ku shkruan: “Mega lluks, krejt komente flamura shqiptarë”, duke përkrahur kështu sulmuesin shqiptar.
Lexo gjithashtu
