Skerdian Kurti ka bërë një postim në rrjetet sociale duke analizuar ndeshjen e Shqipërisë kundër Kroacisë. Profesori i njohur i të Drejtës Penale në Fakultetin e Drejtësisë bën përgjegjës për 2 pikët e lëna trajnerin Sylvinho.
Në një ndeshje ku spektakli ishte prezent, me kuqezinjtë tanë që kishin mundësinë të merrnin 3 pikët, Kurti vë theksin te vonesa e zëvendësimeve. I mësuar të jetë në krye të auditorëve, futbolli për profesorin është një pasion i hershëm ku nuk mungon asnjëherë përmes analizave të tij modeste në rrjetet sociale. Në facebook-un e tij, Skerdi Kurti shkruante:
"Nëse sot nuk fituam, peshën më të madhe të përgjegjësise e ka Sylvinho. Ka shumë keqardhje për mënyrën se si shkoi loja dhe ne nuk e ndëshkuam kundërshtarin. Vonoi ndërrimet, kur i bën ndërrimet e para bën zëvëndësime të gabuara, por për fatin tonë të mirë reagoi me ndërrimet e fundit. Forca Shqipëri", shkruan Kurti.
Lexo gjithashtu
