Erald Çinari ka nisur nga puna me skuadrën e Shkëndijës së Tetovës. Sulmuesi shkodran i është bashkuar kuqezinjve në stërvitje duke marrë ngarkesën e parë me tetovarët. Ai nis sot një faqe të re të karrierës së tij dhe është vënë nën urdhrat e trajnerit Qatip Osmani dhe pritet të debutojë për sfidat miqësore.
Kujtojmë që 26 vjeçari u zyrtarizua para dy ditësh te kuqezinjtë dhe është gati të japë kontributin e tij për Shkëndijën e Tetovës. Ai u rikthye nga Turqia ku luante për Samsunspor, skuadër me të cilën nuk arriti të gjente hapësira për të treguar vlerat e tij.
Loading ...
