Sulmuesi shqiptar i Winterthurit mbylli sot huazimin e tij te ekipi i divizionit të dytë të futbollit zviceran në mënyrën më të mirë të mundshme.
22-vjeçari realizoi golin e fitores për skuadrën e tij në ndeshjen e fundit të këtij sezoni ndaj Schauffasenit, e cila përfundoi me rezultatin 3-2.
Lojtari i Shpresave kthehet te skuadra e tij Young Boys, e cila u shpall kampione e Zvicrës. Gjatë një sezoni huazim te Winterthuri, Seferi realizoi 10 gola në 32 ndeshje. Eksperienca në elitën e futbollit zviceran do t'i sjellë sfida të tjera futbollistit kuqezi, i cili pret ftesën tek kombëtarja e madhe nga tekniku Edi Reja.
Ai nuk është ftuar asnjëherë te Shqipëria gjatë kohës që drejtohej nga teknikët De Biasi dhe Panucci. Winterthuri e mbylli këtë sezon në vendin e katërt në "Challenge League" (divizioni i dytë i futbollit zviceran) me 56 pikë.
Lexo gjithashtu
