Takimi i djeshëm në Kategorinë e Dytë mes Delvinës dhe Domosdovës, ka përfunduar në barazim 2-2 me gola të Toçkës për prrenjsakët dhe Myftari e Zejnati për vendasit.
Ky takim ka qenë mjaft "i ndezur" dhe rivaliteti mes dy skuadrave i ka fillimet më herët.
Pjesa e parë ka qenë mjaft e qetë, prrenjsakët ishin duke fituar me rezultatin 0-2 me golat e Ergys Toçkës deri përpara se të fillonin sharjet dhe ofendimet e lojtarëve të Delvinës.
Futbollistët e Delvinës filluan sportin "kung fu" në lojë, e ndërkohë shanin me ropt e me motër arbitrin dhe lojtarët e Domosdovës.
Për Newsport.al, shefi i klubit, Ardit Facja, është mjaft i indinjuar dhe kjo për shkak se delegati nuk ka mbajtur asnjë shënim duke dëmtuar kështu ekipin që mund të kishte fituar takimin pas atij goli të anulluar nga presioni i lojtarëve vendas.
"Lojtarët e Delvinës nuk e kanë përjetuar mirë disfatën dhe kanë filluar të luajnë me shqelma dhe grushte për të kërkuar golat e barazimit. Klubi është shumë i indinjuar më tepër me delegatin e federatës i cili nuk mbajti fare shënime për sjelljet antisportive të futbollistëve", u shpreh Facja për Newsport.al
"Nuk dinim nëse ishim duke luajtur në një fushë futbolli apo në arenë lufte ku ai që ka më shumë forcë fizike mund të të bënte për spital. Sharjet në kor të futbollistëve kundrejt nesh dhe arbitrave nuk kishin të ndalur. Arbitër të q**fsha motrën ishin disa prej tyre.
Madje kujtoj që na anulluan një gol të rregullt dhe kjo ndodhi nga presioni i tepërt dhe frika mos kalonte në një përleshje fizike.
Pas kësaj ndeshje dhe barazimit kaq të vështirë ne përgatitemi për ndeshjen e radhës duke i lënë pas këto ngjarje të shëmtuara të cilat vetëm mirë që nuk i bëjnë futbollit", ka përfunduar shefi i klubit të Domosdovës./NEWSPORT.AL
Lexo gjithashtu
