E sfidon për “Topin e Artë”, ish-shoku i skuadrës justifikon RONALDO arrogantin: Më uroi për çmimin, dua trofe me ekipin

Fitorja e çmimit të “Futbollistit më të mirë të vitit të UEFA-s” nga kapiteni kroat Luka Modric ka ftohur ndjeshëm marrëdhëniet midis Real Madridit dhe Cristiano Ronaldos. Ky i fundit injoroi ceremoninë pasi kishte mësuar më parë se kush do të fitonte çmimin më të mirë individual për lojtarin më të vlefshëm të sezonit të kaluar të Champions League.

Pavarësisht se shanset e mesfushorit gjenial kroat të kampionëve në fuqi të Europës janë rritur ndjeshëm për të fituar dhe “Topin e Artë”, Modric ka treguar një tjetër anë të medaljes së historisë. 32-vjeçari deklaroi dje ylli portugez e kishte përgëzuar pë sukesin e merituar.

“Kam një raport të mirë me Ronaldon dhe do të vazhdoj ta kem. Ronaldo më ka uruar për çmimin e fituar me një mesazh të dërguar në telefon ku gjithashtu më tha se shpreson të takohemi së shpejti. Çmimet individuale janë të bukura, por unë preferoj më shumë ato me ekipin pasi mendoj se grupi është mbi gjithçka”, deklaroi “truri” i Realit dhe Kroacië që sezoni i fundit ishte më i suksesshmi në karrierën e tij.