E PAPRITUR/ Nuk i doli transferimi, MAZREKAJ zbulon vet ekipin e ri

Ish-lojtari i Partizanit Mentor Mazrekaj gjen më në fund qetësi duke zgjedhur skuadrën e 2 korrikut në kampionatin e Kosovës për të luajtur deri në fund të sezonit.

Vetë 30-vjeçari e ka konfirmuar lajmin për median “Indeksonline”.

“Do të luaj me 2 Korrikun që të mbajë formën dhe pastaj në verë do të shikojmë për transferim tek ndonjë klub tjetër. Kam qenë në negociata në Norvegji me Sandefjordin por marrëveshja nuk u arrit për shkak të vizës së punës”, bëri me dije Mazrekaj.

Ai luajti për herë të fundit me Ferizajn, por u përjashtua nga ekipi pasi u dëmtua gjatë një ndeshje kalccetoje me disa miq të tij. Pavarësisht cilësive, ai është penalizuar në karrierë nga temperamenti i vështirë duke krijuar probleme me klubet ku ka qenë pjesë. Me Partizanin, ai u aktivizua në gjysmën e dytë të sezonit 2012/2013 dhe 2014-2017.