Edhe pse Ministria e Shëndetësisë ka urdhëruar që as stërvitjet individuale mos të nisin para datës 18 qershor, duket se diccka e tillë ka mbetur vetëm si deklaratë pasi askush s’po e zbaton.
Së fundmi një foto e pabesueshme vjen nga Fieri teksa Odise Roshi i Kombëtares së bashku me Andi Ribajn e Flamurtarit kanë zgjedhur të stërviten në mënyrë kolektive. Plot 11 vetë janë në fushë duke mos zbatuar asnjë rregull distancimi fizik.
Madje për t’i “vënë qershinë në tortë” ata kanë shkrepur edhe një foto që shfaqen krahë për krahë me njëri-tjetrin. Pas shpërthimit të pandemisë “raketa” e kuqezinjve zgjodhi të kthehej në Shqipëri, ndërsa kujtojmë që është pjesë e Ahmat Groznyt në Rusi.
