Kristi Marku, mbrojtësi që sezonin e shkuar luajti me Kukësin do jetë përforcimi i ri i Botosanit në Rumani. “Sport.ro” bën me dije se 27 vjeçari nga Durrësi do bashkohet me ekipin në fazën përgatitore në Austri.
Shtatëlarti ka eksperienca të rëndësishme në Shqipëri me Teutën, Flamurtari, Partizani dhe Lushnja, teksa ka luajtur edhe me Honved, Ferizaj, Pyunik Yerevan apo Trans Narva.
Pas Filit dhe kapitenit Enriko Papa, duket se Marku do jetë shqiptari i radhës që do bëjë pjesë te skuadra e elitës rumune. Kujtojmë se Marku ka luajtur edhe 2 ndeshje me Shpresat e Shqipërisë.