Partizani vijon ditët përgatitore në Itali. Skuadra është plotësuar me disa afrime dhe bëhet gati për aventurën europiane, pavarsisht se ende nuk dihet nëse do të luajnë në Ligën e Kampionëve apo në Ligën e Europës. Sot në orën 17:30, Partizani do të zhvilloj një ndeshje miqësore kundër lojtarëve më të mirë të serisë D në Itali, lojtarë nga ekipet Castello di Sangro dhe Sulmona. Një seleksion futbollistësh të përzgjedhur për të luajtur kundër të kuqve janë kundërshtari i gjetur në këtë periudhë pushimesh për skuadrat në Itali. Mbetet për tu parë cili do të jetë niveli i “yjeve” të serisë së katërt në futbollin italian. Ky test miqësor do të zhvillohet në stadiumin “Rivisondolli” në orën 17:30.
