Marash Kumbulla është lojtari shqiptar më i kërkuar i momentit. Mbrojtësi këtë sezon bëri debutimin e tij me Hellas Veronën dhe deri pas ndalimit të futbollit kishte bërë një super paraqitje.
Ofertat për talentin shqiptar janë të shumta, ndërsa së fundmi në garë është futur Everton dhe Tottenham. Që të dy klubet angleze e kërkojnë me ngulm Kumbullën për sezonin e ri, por sipas ekspertit të merkatos Nicolo Schira, Interi është në bisedime të avancuara.
Disa javë më parë qendërmbrojtësi kuqezi ka refuzuar një ofertë nga Napoli dhe preferon më shumë kalimin te zikaltërit. Në merkaton e verës pritet të ketë një ankand për të marrë shërbimet e tij me Hellas Veronën që kërkon jo më pak se 25 milionë euro.
Poll
Lexo gjithashtu
