Teuta e ka nisur këtë pjesë të dytë të sezonit në mënyrën më të mirë të mundshme, duke iu shkëputur “zonës së ftohtë” dhe duke u kualifikuar në gjysmëfinalet e Kupës së Shqipërisë.
Elementët që duket se janë “çelësat” e suksesit te durrsakët janë pikërisht fryma e grupit dhe modestia, të motivuar edhe nga trajneri Gugash Magani.
Një gjë të tillë e konfirmon edhe postimi i portierit Shpëtim Moçka në Facebook, i cili shkruan: “Futemi në fushë si ushtarë dhe dalim si gjeneralë”, një shprehje kjo e trajnerit të Teutës, Gugash Magani, i cili e ka shprehur shpesh se iu kërkon futbollistëve të tij të jenë ushtarë në fushë për të dalë si gjeneralë pas çdo ndeshjeje.