Duelet e Champions League/ EKSPERTI jep parashikimet, 7 gola në dy takime

Tottenham Hotspur-Borussia Dortmund dhe Ajax-Real Madrid. Sfidat duken të forta në letër, duke qënë edhe e vështirë për të marrë guximin t’i parashikojsh rezultatin final të tyre.

Gjithsesi, eksperti i futbollit, Charlie Nicholas e ka marrë guximin për t’i parashikuar, duke marrë përsipër edhe përgjegjësitë e humbjes. Sipas tij, Tottenham do t’i vuajë mungesat e Dele Alli e Harry Kane dhe të mbështetur te Heung Min Son nuk do i shkaktojnë shumë probleme gjermanëve të Favre.

Në krahun tjetër verdhezinjtë nuk po kalojnë një moment të mirë, dhe 3 barazimeve në Gjermani do i shtohet edhe një tjetër në Europë. Parashikimi: 1-1

Spektakolare parashikohet të jetë dueli i cili do zhvillohet në Amsterdam mes Ajax-it dhe Realit të Madridit. Një fakt të tillë e përforcon më tepër edhe parashikimi i Nicholas, i cili thotë se në këtë 90 minutësh do të shënohen 5 gola. Parashikimi 2-3