Kryetarja e Bashkisë Shkodër, Voltana Ademi ka kërkuar ndihmën e Federatës Shqiptare të Futbollit për të ndihmuar zyrtarët e Vllaznisë në mënyrë që klubi i futbollit të shitet sa më shpejt. Zonja Ademi kërkon që specialistët e FSHF-së të asistojnë në këtë proces privatizimi, teksa ka marrë një përgjigje pozitive nga kreu i saj, Armand Duka.
Bashkia Shkodër kërkon që FSHF të asistojë me specialistët e saj këtë proces, duke qenë në rregull edhe me kriteret e UEFA dhe FIFA-s. Kujtojmë se klubi i futbollit Vllaznia është nxjerrë në ankand për 100 përqind të aksioneve, për një vlerë fillestare prej 600 milion lekësh të vjetër.
Veç të tjerash, Bashkia Shkodër ka caktuar edhe anëtarët që do merren me ankandin e Vllaznisë, teksa nga procedurat duket se një gjë e tillë do ndodhë sa më shpejt. Terezina Hila me rolin e kryetares së njësisë së ankandit dhe dy anëtaret Vinifreda Gazulli e Manjola Fushaxhija janë tre zonjat që do duhet të shohin dokumentet për të interesuarit. Kujtojmë që veç donatorit Alban Xhaferi, zyrtarisht edhe ish-presidenti Valter Fusha ka kërkuar të blejë klubin e futbollit.
Dokumentacioni dhe letërkëmbimi bërë publike nga gazetari Denis Bajraktari:
Lexo gjithashtu
