Pas përfundimit të ndeshjes Kosovë-Andorrë foli trajneri i dardanëve Alain Giresse. Francezi “qau” rastet e humbura dhe ishte i bindur që ekipi i tij meritonte më shumë. I pyetur nëse do të jepte dorëheqjen Gires u shpreh se do të vazhdonte punën me Kosovën dhe se kualifikimi është ende i mundur.
“Na ka munguar diçka në fund që të konkretizojmë rastet. Disa vendime të arbritrit nuk ishin të duhura. Ka shumë gjëra që kanë ndikuar që ndeshja të përfundonte me rezultat 1-1. Ishim të vetëdijshëm që Andorra do të luante mbrapa. Jemi përgatitur për këtë mënyrë të lojës. Kemi pasur raste por nuk mundëm të thyenim mbrojtjen. Kam kërkuar të luajmë më shpejt. Veprimi i fundit na ka munguar. Kjo ndikoi. Mendoj që është shumë herët të flitet se puna është e përfunduar sa i përket kualifikimit. Qëllimi është që të punoj dhe vazhdoj punën time këtu. Nuk më intereson mua ajo që ju kënaq juve si vendim”, tha Giresse pas ndeshjes.
