Dinamo 6 vite jashtë Superligës, tekniku Allmuça beson te suksesi: “Kemi gjendje të mirë, do të bëjmë një hap cilësor”

Dinamo do të kërkojë sërish këtë sezon të kthehet në Superligë pas 6 vitesh përpjekje të dështuara. “Blutë” janë angazhuar maksimalisht për të garantuar kthimin në vendin që i takon, në elitën e futbollit shqiptar. Tekniku i dinamotivëve Igli Allmuca ka folur për “Supersport” në lidhje me pritshmëritë e skuadrës për sezonin e ri dhe shprehet optimist se lojtarët do të kryejnë “misionin”.

“Po normalisht që është e vështirë Kategoria e Parë, ndryshe nga çmund të duket.Megjithate ne jemi ambjentuar me këtë kategori. Do të bjmë një hap cilësor për të tentuar diçka të madhe. Nuk duam ta pompozojmë shumë. Mendoj se ekipet kur fillon kampionati futen në kushte të barabarta. Pastaj kush dp gabojë më pak, kush do jetë më serioz kush do të japë  maksimimun në çdo ndeshje, sigurisht që edhe fati është brenda. Nuk është se ka skuadra në Katëegorinë e Parë që bëjnë çudira apo që kanë një diferencë të madhe me njëra-tjetrën. Vazhdimësia, të jesh konstant në çdo ndeshje bën që të kesh rezultate të mira pse jo dhe të prentendosh. Skuadra ka një gjendje të mirë. Jemi shfaqur mirë në miqësore Lojtarët kanë dëshirë maksimale për të luajtur futboll dhe pë të më dhënë më të mirën në fushën e lojës. Shpresoj që kampionati do të tregojë forcën reale të skuadrës”, përfundon ish-futbollisti i njohur dhe trajneri i Dinamos Igli Allmuça.