Romelu Lukaku ka qenë vendimtar në ecurinë pozitive të Inter. Edhe dje, belgu ia doli të çonte të tijtë drejt tri pikëve. Në lidhje me performancën e sulmuesit shtatëlartë ka folur edhe Paolo Di Canio.
Ish-futbollisti i Lazios, Milan, Juventus e Inter dhe kombëatres italiane ka treguar se Lukaku nuk është aty ku duhet pasi nuk shënon gola në kompeticione të rëndësishme.
“Në Itali, me atë fizik në Serie A ai argëtohet. Këtu mbrojtësit tërhiqen dhe shtyhen nga sulmuesit. Sa i përket numrave, ai po bën as më shumë e as më pak se sezonin e kaluar, ai ende nuk ka fituar asgjë.
Ai nuk ka shënuar ende gola vendimtar në Ligën e Kampionëve, në Kupën e Italisë dhe madje as në Europa League. Nëse ai fiton Scudetto ai do të ketë dhënë kontributin e tij për këtë trofe”, tha Di Canio.