Gerard Pique dhe Shakira vijojnë të jenë në qendër të vëmendjes. Edhe pse kanë kaluar 6 muaj nga divorci i tyre, ish qendërmbrojtësi i njohur dhe këngëtarja vazhdojnë të përfliten. Ata janë një nga çiftet më të dashur për publikur dhe kjo ka nxitur fansat të jenë kundër divorcit.
Së fundmi janë zbuluar disa prapaskena se si këngëtarja zbuloi tradhëtinë e ish lojtarit të Barcelonës. Shkak është bërë një kavanoz reçeli që të lindin dyshimet e para. Shakira ishte në dijeni se Pique nuk e konsumonte për shkak të angazhimit të tij me futbollin.
Megjithatë kur nuk ishte në shtëpi, vërente që sasia e reçelit zvogëlohej. Ishte programi “Socialite” në kanalin spanjoll Telecinco, që zbuloi këtë detaj për publikun. Kujtojmë që çifti ka rënë dakord për kujdestarinë e fëmijëve. Ata do të jetojnë me Shakirën, ndërsa Pique ka të drejtë t’i shohë disa herë në muaj, si gjatë festave të jenë së bashku.
Lexo gjithashtu
