Pamje të shëmtuara vijnë nga Italia fqinje, aty ku tifozët e Perugias kanë kërcënuar me varje lojtarët e tyre pas rënies në Serie C. Ultrasit e klubit nga Umbria kanë varur manekine të veshur me fanellat e lojtarëve në një mbikalim, duke tronditur jo pak situatën pas rrëzimit një kategori më poshtë.
Prej gjashtë vitesh në Serie B, Perugia nuk ia ka dalë të mbijetojë pasi ndeshja shtesë me Pescaran shkoi në shtesë dhe me gjuajtjet e 11 metërshave ka triumfuar ekipi I Ledian Memushaj. 700 ultras të tërbuar ishin mbledhur rreth stadiumit duke kënduar kore kundër presidentit Massimiliano Santopadre dhe sulmuesit Pietro Iemmelo që dështoi penalltinë vendimtare.
Loading ...
