Ka gjithmonë një më të ri në moshë dhe një më të vjetër. Sidoqoftë, kjo i përket gjendejes civile, por sigurisht ka lidhje dhe me respektin.
Pikërisht si në mbrëmjen e sotme, kur në sfidën Lacio-Roma për Kupën e Italisë, futbollisti më i ri në fushë do të jetë portieri Thoma Strakosha dhe lojtari më i vjetër, kapiteni i verdhekuqve, Françesko Toti.
Fatet e tyre kryqëzohen në një sfidë delikate, në gjysmëfinalen e parë të Kupës së Italisë.
Portieri i parë i Lacios, Marketi është rikuperuar nga dëmtimi në gjurin e djathtë, por nuk është në gjendjen e tij optimale për të qenë titullar dhe për këtë arsye, trajneri Inzagi ka menduar të luajë nga fillimi me portierin kuqezi, Thoma Strakosha.
E vështirë një gjë e tillë për Totin, që sot do ta nisë nga pankina derbin kundër Lacios.
Sigurisht që kapiteni i verdhekuqve do të dëshironte të ishte në fushë dhe pse jo të linte shenjë në këtë përballje.
Ashtu si edhe Strakosha nga ana tjetër që kërkon të ketë një mbrëmje triumfuese, të përjetojë një nga ato sfida të cilat mund t’ia tregojë në të ardhmen fëmijëve të tij, e pse jo edhe nipërve.
Loading ...
