Ditën e premte do të luhet supersfida e Kategorisë Superiore, Tirana-Partizani. Derbi kryeqytetas do të vendosi shumë për vazhdimësinë e të dyja skuadrave dhe në një intërvistë për “Sport Neës” , ish-trajneri I të kuqve, Shpëtim Duro ka analizuar këtë sfidë. Në karrierën e tij si trajner, Duro nuk ka humbur asnjë ndeshje ndaj Tiranës, ndërsa thekson se Partizani është favorit në këtë derbi.
Derbi? “Partizani-Tirana është një ndeshje që historikisht ka qenë në që të vëmendjes që para viteve 90 kur kam qenë futbollist dhe mbas viteve 90 si trajner. Pavarsisht kushteve dhe situatës ka rëndësinë e vetë.
Nuk keni humbur asnjë ndeshje? “Është një ndeshje deçizive që në momente të veçanta është shumë e rëndësishme për vazhdimësinë e kampionatit për të dyja skuadrave. Siç ndodhi vjet me Tiranës ishte në një situatë jo të mirë dhe ajo fitore solli kthesën,. Fitorja në derbi bëri që ecuria të ishte pozitive. Ka pasur raste që pas humbjeve të ndeshjeve janë shkarkuar trajnerët, duke pasur parasysh edhe rivalitetin e madh që kanë tifozët e Tiranës dhe Partizanit.
Partizani favorit në derbi? “Partizani është më mirë, edhe për sa i përket klasifikimit dhe skuadrës. Partizani është ajo skuadër që ka qenë sezonin e kaluar. Tirana ka shumë ndryshime dhe kjo ka ndikimet e veta. Gjithsesi në fushë harrohet gjithçka. E shikoj këtë derbi të ngjashëm me situatën e vjetshme. Fitorja e Tiranës 2-1 kthehu atë ecuri të Tiranës në kampionat, ndërsa te Partizani pas asaj humbjeje filluan problemet. Pathyeshmëria në derbi e Partizanit zgjati më shumë se 6 vite dhe ajo humbje ndikoi në aspketin psikologjik. Ky derb është shumë i rëndësishëm për shumë elementë dhe faktorë”.
Keni besuar te Partizani? “E kam thënë gjithmonë, Partizani ka qenë një nga skuadrat më të kushtueshme sezonin e kaluar. Ka mangësi në mbrojtje, por ka futbollistë kampion nga sezonet e kaluara. Partizani e ka skuadrën më të mirë në raport me Tiranën. Për këtë arsye e kam thënë që Partizani do të jetë skuadër pretendete për të fituar titullin pasi kanë lojtarë që luajnë prej dy vitesh së bashku”.
Ndryshimi I trajnerit te Tirana? “Ndryshimi i trajnerit është “thikë me 2 presa”. Fillimi i sezonit ishte I dobët dhe eliminimi në Kupë ishte goditje e madhe. Edhe po të vazhdonte punën Egbo, do ta kishte të vështirë me kaq shumë mungesa, ashtu siç ka vështirësi Dede. Ka shumë ndryshime dhe dëmtime e ka shumë lojtarë që luajnë për herë të parë. Derbi do të ketë ndikimet e veta në ecurinë e Tiranës në kampionat”.
Pikat e forta? “Partizani është më mirë, duke pasur parasysh rezultatet e fundit. Është në pozicion komod, nuk ka ndryshime, e ka skuadrën e plotë dhe e ka provuar disa herë derbin me këta lojtarë. Tirana ka disavantazh sepse ka shumë futbollistë që luajnë për herë të parë në një derbi. Për këto arsye Partizani është më i favorizuar. Shpresoj të jetë një ndeshje e mirë me rivalitet, por që nuk e ka bukurinë e atij para 5 vitesh. Mungesa e tifozëve ka ndikimin e vetë. Jemi në një situatë tjetër. Ne sezonet me parë, tifozët shoqëronin skuadrën 3 orë para ndeshjes, ndërsa tani besoj se kjo ndeshje do të ndiqet me mjaft interes në media dhe televizione”, u shpreh Duro.
Loading ...
