Dënimet e Skënderbeut dhe Partizanit respektivisht me nga 5 dhe 4 ndeshje pa tifozë, pritet të japin ndikimin e tyre edhe në fushën e lojës.
Kështu Skënderbeu do të luajë pa tifozë sfidat ndaj Laçit, Tiranës, Kukësit, Kamzës dhe Kastriotit, ndërkohë që Partizani do të luajë pa mbështetjen e publikut ndaj Kastriotit, Flamurtarit, Teutës dhe Luftëtarit. Sigurisht kjo duke mos marr parasysh ndonjë ulje ose falje dënimi në Apel për të dyja skuadrat.
Në këtë kuadër më pak i avantazhuar duket Skënderbeu, me korçarët që do të duhet të luajnë ndaj dy kundërshtarëve të drejtëpërdrejtë pa tifozë si Tirana dhe Kukësi, ndërkohë që të kuqtë nuk kanë ndonjë përballje të madhe në këtë drejtim në këto 4 javë dënim.
E rëndësishme është që derbi i kryeqytetit në javën e 6-të, do të luhet me tifozë, pasi në takimin e parë është Tirana pritëse dhe jo Partizani.
Lexo gjithashtu
