Europiani mbaroi për kombëtaren shqiptare. Kështu që trajneri De Biazi po projekton në kokën e tij lojtarët që do të mund të përfaqësojnë ngjyrat kuqezi në këto eliminatore. Emri i parë që përmendet është Florent Hadergjonaj. Ai luan me Youngboys në Zvicër. 21-vjeçari shihet një lojtar me prespektivë duke parë moshën e tij dhe vlerësimin sipas transfermarket.de. Hadergjonaj vlen plot 3 milionë euro. Pozicioni i tij në fushë është në të djathtë të mbrojtjes. Për momentin duket diçka e pamundur, duke parë performancën e jashtëzakonshme të Elseid Hysajt në atë krah, por për të ardhmen, 21-vjeçari do të ishte një lëvizje e zgjuar nga ana e teknikut italian.
