De Biazi analizon humbjen, evidenton defektet

Një ditë pas humbjes së pamerituar me Zvicrën, trajneri Xhani De Biazi, ka grumbulluar skuadrën për të bërë analizën. Ai ka diskutuar për gabimet e asaj ndeshjeje, që nuk ishin të pakta. Gjithçka është argumentuar me anë të pamjeve filmike dhe stafi teknik ka kërkuar që në ndeshjen e radhës të  eleminohen në maksimum gabimet. Kuqezinjtë do të zhvillojnë sot seancën e parë stërvitore pas humbjes me Zvicrën, që do të jetë në funksion të ndeshjes me Francën. Në këtë ndeshje do të mungojë kapiteni Lorik Cana, i skualifikuar për shkak të kartonit të kuq.