Armando Cungu ka folur para ndeshjes me Teutën. Trajneri i Vllaznisë doli në një konferencë për shtyp ku deklaroi:
“Kemi pas disa probleme ditët e fundit si me Bardullën, Pjeshkën e Tafilin por ata po shkojnë drejt rikuperimit dhe shpresojmë t’i kemi në fushë ndaj Teutës. Po ashtu, siç dihet për arsye dëmtimesh do na mungojnë Cicmil e Marku por ky nuk është justifikim. Ata që do të luajnë, duhet të japin më të mirën dhe të marrim fitoren e shumëpritur për ne. Objektivi gjithnjë ka qenë fitorja e çdo ndeshje dhe nga kjo nuk bën përjashtim as Teuta. Uroj dhe shpresoj shumë që këtë objektiv ta bëjmë realitet dhe të marrin këtë trepikëshin që do të na bënte shumë punë. Duhet të jemi shumë të kujdesshëëm sepse nëse sot jemi disi të qetë në renditje, një gabim do të na kushtonte shumë por unë kam besim tek skuadra që stërvis se do të jetë shumë serioze deri në fund të kampionatit.
Patjetër që portieri është një pikë shumë e rëndësishme e skuadrës. Për më tepër që Selimaj në këto ndeshjet e fundit që është aktivizuar ka dhënë kontributin e tij maksimal për skuadrën që ajo të arrijë këto rezultate pozitive. Por kuptohet që për të arritur një rezultat të mirë, përgjegjësi kanë të gjithë, duke filluar nga unë, portieri e me rradhë pastaj të gjithë. Nëse nuk funksionojmë si grup, do të jetë shumë e vështirë për ne, ndaj çdo lloj kundërshtari. Jam shumë i kënaqur me paraqitjet e Selimajt. është një djalë serioz që ka punuar me përkushtim gjatë gjithë periudhës, edhe kur nuk ka luajtur. Ka arritur të punojë me shumë seriozitet dhe ta fitojë vendin e titullarit dhe shpresojmë që të vazhdojë kështu”, ka përfunduar Armando Cungu.
Loading ...
