Ekipi i Breshia ka shkarkuar trajnerin Fabio Grosso. Ish lojtari i Kombëtares italiane u ul në stol përpara një muaji, duke mos qenë rezultativ në pritshmëritë e klubit. Ka qenë vetë presidenti Cellino ai që ka njoftuar shkarkimin e 42 vjeçarit dhe kthimin në skuadër të Eugenio Korinit.
Korini u shkarkua përpara një muaji, por duket se tre humbjet nën drejtimin e Grosso-s kanë rikthyer ish trajnerin në stol. Me Fabio Grosso në drejtim, “Dallënyshet” pësuan tre humbje duke mos gjetur rrugën e rrjetës asnjëherë. Kështu, pas 11 golave të pësuar Grosso i jep lamtumirën Breshias ku aktivizohet edhe shqiptari Emanuele Ndoji.
Loading ...
