ÇUDI/ NAPOLI bën çmendurira kur nuk ka nevojë, HYSAJ “bën punën” e të tjerëve

Napoli e teproi sot me humbjen 1-3 ndaj Salzburgut në raundin e 1/16 të Europa League. Por, paraqitja zhgënjyese e “të kaltërve” erdhi dhe si pasojë e zgjedhjeve taktike të teknikut Carlo Ancelotti dhe përgjumjes së ekipit pas golit të parë të Arkadiusz Milik.

Në takimin e sotë të kthimit, ku Napoli siguroi kualifikimin me rezultatin total 4-3 Elseid Hysaj u pozicionua në qendër të mbrojtjes, një taktikë që kurrë në karrierë ai nuk e ka provuar. Por dhe në këtë detyrë futbollisti kuqezi bëri maksimumin, edhe pse ky mision ishte totalisht i pamundur për t’u kryer prej tij.

Hysaj pritet të jetë titullar në sfidën e së dielës në kampionat ndaj Udineses, përpara se të niset menjëherë drejt Shqipërisë për t’iu bashkuar Kombëtares për përgatitjet për dy sfidat ndaj Turqisë dhe Andorrës.