Partizani i Beogradit është mposhtur 0-4 në derbin përballë Crvena zvezdës. Sfida e 174-të mes tyre, nuk u shoqërua vetëm me gola brenda fushës së lojës, por dhe incidente jashtë saj.
Në përfundim të kësaj ndeshje, huliganët e Partizanit kanë nisur dhunën. Këta të fundit janë futur me forcë në dhomat e zhveshjes së bardhezinjve, duke ushtruar akte të tmerrshme dhune. Tifozët thyen xhamat e dhomave të zhveshjes duke i goditur me gurë, duke dëmtuar jo pak disa nga stafi i Partizanit.
???????? | Kızılyıldız hezimeti sonrası Partizan taraftarları soyunma odasının camlarını yumrukladı.
— Balkan Futbolu (@BalkanFutbolu) September 24, 2024
Olayın devamında çıkan arbedede teknik direktör Aleksandar Stanojevic suratından yaralandı.
???? @BalkanFutbolu ®️ pic.twitter.com/5S3zhmrJKi
Trajneri Aleksandar Stanojeviç ishte ai që u dëmtua më së shumti, duke marrë prerje në kokë dhe në qafë, për shkak se ndodhej pranë xhamave të dritares në momentin që tifozët goditën me gurë. Menjëherë pas daljes në konferencë për shtyp, Stanojeviç dha dorëheqjen, e cila erdhi për shkak të incidentëve dhe jo humbjes.
“Tifozët thyen xhamin, është e pakëndshme. Unë erdha me fasho në konferencën për shtyp, por nuk ka asnjë arsyeje për të bërë teatër. Nuk kishte asgjë më shumë, asnjë zënkë dhe konflikt fizik. Është një turp për të gjithë ne”, tha pas ndeshjes trajneri i Partizanit të Beogradit.
Lexo gjithashtu
