Roma - Napoli
Mjaftoi goli i David Neres që Napoli të rrëzojë nga kreu Romën e Gasperinit në Serie A. Kampionët në fuqi të Italisë ishin ndjeshëm më të “etur” për të marrë fitoren në “Olimpico” dhe ia arritën objektivit.
Pas një hezimiti në zonën e Napolit nga manovra sulmuese e vendasve, skuadra e Romës u zu “mat” prej aksionit të shpejtë nga rivali, ku sulmuesi David Neres gjeti të “çarë” në mbrojtjen e kryeqytetasve dhe i vetëm përballë portierit Svilar nuk e pati të vështirë të zhbllokonte shifrat në minutën e 36.
Pjesa e dytë u dominua nga numër i lartë i kartonëve të verdhë, si pasojë e ndërhyrjeve të ashpëra në mesfushë. Pas 13 javësh në Serie A, “ligjin” e bëjnë Milani dhe Napoli me nga 28 pikë, 1 më shumë se Interi dhe Roma.
Poll
Lexo gjithashtu
