Wojciech Szczęsny nuk është më ai i dikurshmi, diçka që e kanë kuptuar edhe drejtuesit e Juventusit. Këta të fundit nuk e shohin polakun si titullar sezonin e ardhshëm, dhe kanë nisur punën për të gjetur pasuesin e tij.
I preferuari i “Zonjës” është Michele Di Gregorio, portieri që aktualisht mban veshur fanellën e Monzës. Di Gregorio vazhdon të dhurojë performanca të shkëlqyera, duke tërhequr kështu vëmendjen e Juventusit.
Këta të fundit e kanë kthyer 26-vjeçarin në një objektiv serioz, teksa janë të gatshëm të futen në bisedime me Monzën, për ta lënë gardianin e lirë në merkaton e ardhshme verore.
Nga kjo shitje, Monza pretendon të fitojë rreth 20 milionë euro, por Juventusi po mendon të fusë ndonjë futbollist në këtë transferim, për të ulur paksa shumën e kërkuar nga skuadra e Michele Di Gregorio.
Lexo gjithashtu
