Serie A ka hyrë në fazën e saj më të zjarrtë, ku tashmë luftohet për çdo cep të fushës së lojës. Deri më tani janë zhvilluar 20 sfida, teksa për ecurinë e ekipeve ka folur Edy Reja.
Ish-trajneri i Kombëtares shqiptare ka theksuar se Atalanta do të luajë për Champions League, ndërsa ka theksuar se nga Sarri mund te presësh gjithçka dhe se është një trajner mjaft i zoti.
“Como ka një filozofi dhe mentalitet të përcaktuar mirë dhe luajnë vërtet si ekip. Mund ta shihni se po e shijojnë lojën. Pastaj kanë Nico Paz, i cili është një lojtar i jashtëzakonshëm. Fabregas ka një mentalitet që përputhet me atë të klubit, presidentit dhe drejtorit sportiv të tij.
Sapo ta rikuperojnë Lokman nga Kupa e Kombeve të Afrikës, Atalanta do ta përmirësojë përsëri situatën. Ata kanë një skuadër të përshtatshme për të arritur në Europë dhe do të thoja se mund të shkojnë edhe më tej, po flasim për Champions League.
Për sa kohë që ishin të shkëlqyer dhe në gjendje të mirë fizike, mund t’i shihje duke luajtur me shpejtësi të plotë, ishin mbresëlënës.
Ata kanë kaluar një periudhë të vështirë, veçanërisht për shkak të ndalimit të transferimeve, por tani situata duket se është zgjidhur. Dhe ata kanë një trajner të veçantë si Sarrin, i cili është dikush nga i cili mund të presësh gjithçka”, ka theksuar ish-timonieri i kuqezinjve.
Lexo gjithashtu
