Pas fitores së Suedisë në transfertën e Azerbajxhanit, mbrëmjen e sotme janë luajtur edhe 8 ndeshje të tjera të vlefshme për raundin e parë të Ligës së Kombeve.
Në Ligën A, Danimarka surprizoi Zvicrën duke e mposhtur 2-0. Këta të fundit u ndëshkuan me 2 kartonë të kuq, një ndër ta e mori Granit Xhaka. Në krahun tjetër, Portugalia dhe Cristiano Ronaldo fituan 2-1 ndaj Kroacisë, me CR7 që shënoi golin e dytë për të tijët duke arritur kuotën e 900 golave në karrierë.
Goli i Cristiano Ronaldos
Spanja u shtang në transfertën e Serbisë duke barazuar 0-0. Ndërsa, në ndeshjen tjetër të Ligës A, Polonia dhe Skocia u kënaqen me nga 1 pikë duke barazuar me rezultatin 2-2.
Në Ligën C, Bjellorusia barazoi 0-0 me Bullgarinë. Sllovakia triumfoi në transfertën estoneze 1-0, ndërsa Irlanda e Veriut mposhti 2-0 Luksemburgun. Në sfidën e vetme të Ligës D, San Marino fitoi 1-0 ndaj Lihtenshtejnit.
Lexo gjithashtu
