Raundi i radhës në Ligën e Kombeve mund të prodhojë një sfidë “vëllazërore”. Kosova e ka të garantuar vendin e dytë në grupin C dhe në rast se nuk ia del për ta fituar, atëherë do luaj në fazën play-off për tu ngjitur.
Në rastin e parë, nga Grupi 1, mund të ketë një përballje mes Kosovës dhe Shqipërisë, në rast se kuqezinjtë nuk arrin të fitojë ndaj Ukrainës në shtëpi dhe ndeshja mes Çekisë dhe Gjeorgjisë përfundon barazim.
Në këtë mënyrë, në rast se Shqipëria qëndron e treta në grupin B1, dhe Kosova e dyta në grupin C2, atëherë një prej rivalëve të “Dardanëve” do të ishin pikërisht kuqezinjtë.
Shpresë për përfaqësuesen e Kosovës mbetet verdikti i ndeshjes me Rumaninë, ku një fitore e mundshme në tavolinë do të rriste shanset për ngjitje direkte në divizionin B.
Ndërkaq, në krahun tjetër, kombëtarja jonë është në lojë për të fituar grupin B1 dhe ngjitur në Divizionin A të kompeticionit.
