Kombëtarja shqiptare do të luajë mbrëmjen e sotme në transfertë përballë Çekisë, sfidë e vlefshme për raundin e 3-të të Ligës së Kombeve. Ndeshja që do të zhvillohet në Prag, nis në orën 20:45.
Një ndeshje mjaft interesante me ekipet që duan me doemos 3 pikët. Megjithatë, për kuqezinjtë e Sylvinhos nuk do të jetë aspak e lehtë, pasi Republika Çeke vetëm ka fituar në shtëpi përgjatë këtij viti.
Hera e fundit që çekët nuk kanë triumfuar në shtëpi ka qenë pikërisht përballë Shqipërisë në shtator të vitit të shkuar, në sfidën që përfundoi 1-1.
Që prej atëherë, Çekia vetëm ka fituar, duke përmendur këtu ndeshjen ndaj Ishujve Faroe, Polonisë, Moldavisë, Armenisë dhe Ukrainës. Pra, Shqipëria do të luajë në një “fortesë” që nuk është thyer për më shumë se 1 vit.
Lexo gjithashtu
