Shqipëri fiton ndaj Islandës duke bërë autokritikë për lojën e zhvilluar me Francën. Një ndeshje fantastike e kuqezinjve, të cilët emocionuan çdokënd me ndeshjen e sotme. Një nga më të mirët në fushë, Bare pas ndeshjes foli për SuperSport
"Bëmë një lojë shumë të mirë. Gjithmonë e kemi folur në stërvitje se do futemi në fushë pa frikë dhe sigurisht që Shqipëria do rikthehet aty ku ka qenë dhe pse jo më lartë. Sot jam shumë i kënaqur shpresoj të vazhdojmë me këto ritme.
Me Memushaj kam folur më ka ndihmuar shumë në stërvitje dhe jashtë fushe. Ndihem shumë mirë me të se është një profesionist si jashtë dhe brenda fushës. Kombëtarja do rikthehet shumë shpejt në maja atje ku e ka vendin. Besoj që me këtë ekip që kemi do të arrijmë shumë lartë. Dua të theksoj se shumë njerëz nuk besonin në këtë Kombëtare por ne jemi 100% të sigurtë për atë që japim në fushë. Kështu që askush mos të dyshoj tek këta djemë", përfundoj Bare.
