Me stofin e një skuadre pretendente, e mirëorganizuar në çdo detaj, me uniformën e stërvitjes gati dhe me ngjyrat karakteristike, bardhekuq, me bazën didaktike si dhe në kushte perfekte në aneksin e stadiumit ‘Adush Mucca”, Bylisi dje ka zbritur në stërvitje për herë të parë për këtë sezon.
Në fakt, kanë rënë në sy një numër mjaft i madh futbollistësh, ku binin në sy: portierët Memaj e Lina, në mbrojtje: Shoshi, Kuçi, Buzi, Muskaj, Bregasi, në mesfushë Fejzaj, Metaj, Prifti, Hysko, Kolgegaj si dhe në sulm Hoxhaj e Dervishaj, por edhe lojtarë të rinj nga klubi, Kapllanaj, Sinaj, Fejzaj, Nazëraj e Kumanaku.
Bylisi, pret që sot të bashkohet me grupin edhe Emanuel Mbella, si dhe braziliani Edmilson, nigeriani Izuchuku, apo dhe katër futbollistë me ngjyrë po nga Nigeria. Skuadra deri në fund të javës do të kompletohet, sepse pritet që të ketë edhe shumë futbollistë në provë.
Lexo gjithashtu
