Vllaznia do të luajë nesër në transfertë kundër Teutës, ndeshje e vlefshme për javën e 11-të të Superiores. Skuadra shkodrane i ka dhënë dorën e fundit përgatitjeve në prag të takimit kundër durrsakëve.
Përmes një postimi në faqen zyrtare, kuqeblutë bëjnë me dije se kanë zhvilluar në Durrës seancën e fundit stërvitore. Në njoftimin e bërë thuhej:
“Vllaznia ka zhvilluar sot seancën e dytë stërvitore në qytetin e Durrësit të cilin ka zgjedhur për t'i dhënë dorën e fundit përgatitjeve për ndeshjen me Teutën. Atmosfera në kampin shkodran është shumë e mirë dhe të gjithë pjestarët e tij besojnë tek suksesi në takimin e nesërm”.
Kujtojmë që ndeshja e nesërme do të luhet në orën 16:45, në stadiumin “Elbasan Arena” për shkak se “Niko Dovana” është duke u rikonstruktuar.
Lexo gjithashtu
