Asnjë minutë për Asllanin ndaj Islandës, Reja kishte “porosi” nga Italia

Kristjan asllani e nisi si titullar ndeshjen ndaj Izraelit por ndaj Islandës nuk u pa asnjë minutë. Mendohej se kjo varej nga performanca në Tel Aviv ku humbën duke bërë një ndeshje të dobët por raportime nga Italia zbulojnë arsyen e vërtetë të mungesës së Asllanit.

Sipas Corriere Dello Sport, trajneri Reja kishte marrë një telefonatë nga drejtuesit e Interit ku kërkohej që Asllani të kursehej në këtë ndeshje pasi pritet titullar ndaj Romës në fundjavë në mungesë të Brozovic. Reja ia ka plotësuar dëshirën zikaltërve dhe ka realizuar porosinë për lënien në stol të Asllanit për të qenë gati për debutimin e tij si titullar për herë të parë këtë sezon me Interin.